喜之次一夜干
原本冇興趣食燒魚，但係餐廳姐姐極力推介，就點吓。點知食落又好驚喜。條魚個皮燒得好脆，肉夠甜夠香，又唔會燒到乾爭爭好柴，質地帶一啲濕潤。再加埋附上嘅醬汁大少少酸甜，好開胃。整體食到停唔到口，好味。果然冇介紹錯！
威士忌生蠔
價錢唔平，但係食落又冇咩特別。就係浸酒味嘅生蠔，唔特別覺得好鮮甜。喺個杯底有一啲浸滿酒味嘅海藻，酒味超級強！冇咩特別，唔特別推介。
:) 刺身沙律：粒粒刺身再加埋一啲雜菜，用微酸嘅醬油撈埋一齊。清新開胃，味道唔錯。
:)七味鴨舌：滷水味再加輕微嘅辣味，都幾惹味。
:)鹽燒鵪鶉腿：細細隻幾惹味，味道唔錯。
:)燒牛舌：
質地厚切，口感爽口彈牙。少少缺點係邊皮燒得有d 燶同乾咗少少。但係整體係夠惹味。
👌🏼燒雞棒：
本身對燒雞棒冇咩特別興趣，不過餐廳姐姐極力推介，咁就試吓。質地整得幾實，有少少軟骨嘅口感，係幾惹味嘅。不過又未至於好驚喜。
味噌甲羅燒：相比起一般食開嘅甲羅燒，佢嘅蛋汁份量太多，仲有埋蛋白，同埋一啲蟹柳。搞到燒極都濕立立，一啲都唔乾身，又冇咩味噌味或者蟹膏味。唔推介。
汁燒牛福肉：牛肉質地都算頗嫩滑，燒汁味道甜甜地，再加埋附送嘅蒜蓉醬，食起嚟幾惹味，唔錯。
👌🏼燒蘆筍：正常味道。
🤔燒飯團：外皮燒得頗脆，味道正正常常。
水果雪糕：
椰子味雪糕最creamy。橙味雪糕有符合預期嘅酸酸澀澀嘅味道。香桃同菠蘿味就假假地嘅味道。
