御饍韓國料理 (已結業)

我在灣仔道返工, 但都唔知附近新開左一間韓國料理, 直到有朋友講比我聽, 有日心血來潮就去找呢間店食lunch喇~店位於一條巷內, 平時我行灣仔道真係唔覺眼, 唔望入去真係唔知有間新店!!如果係在軒尼詩道入, 就係在大公報側果條巷喇~灣仔區冇乜韓國料理店, 我之前去過"純子", "純子"係比較家庭式0既小店, 而"御饍"地方則非常大, 裝修美觀, 卡位都坐得好舒適~近一個月我已去過食3次lunch, 每次都唔多人,最近呢次係星期六去食, 比平日更少人..................午市有提供唔少lunch set選擇, 價錢不貴, 五十多六十元也有~一去到坐底, 侍應好快就奉上前菜~第2次去果時係同成班同事, 所以試左好多款前菜~好味啊~~~個人比較鍾情食石頭飯, 3次中有2次都係食海鮮石頭飯~ 海鮮石頭飯 好夠熱, 又足料, 呢度0既韓式辣醬好正~怕食辣0既我都要加d辣醬去石頭飯度~加左特別好食啊~個石頭窩非常熱, 雖然我食得好慢, 但食到底都d飯都仲出煙架~d 飯焦好香呀~~~跟餐會有碗 蘿蔔湯, 清清地都唔錯架~食石頭飯咁熱氣~中和下都好架~鹽燒黃花魚 燒得都幾好, 唔會太乾