The Point - Pizza & Pasta (將軍澳中心) (已結業)

如果想同朋友靜靜地傾吓計，又想坐得舒服，又追求食物質素，呢間餐廳簡直滿足晒三個願望！地方夠大，夠寬敞，而且又冇限時。一到步，先叫個黑松露芝士蛋黃醬薯條同每人一杯嘢飲傾吓偈先。呢杯Iced Oreo cholocate mock tails唔會太甜，朱古力味好濃郁。餐廳有兩個唔同嘅套餐，包括有今期用龍蝦做主題嘅set，亦都有一啲抵食嘅二人set。不過因為自己比較鍾情佢嘅Pizza，所以就同朋友決定單點啦。之前一直都好想試呢個明太子軟殼蟹pizza。佢嘅明太子味唔算太突出，但櫻花蝦令個Pizza好有口感，而且原隻嘅軟殼蟹炸得好香脆，多肉多膏。跟住點少得我每次嚟都會叫嘅森林pizza野菌、黑松露忌廉醬令個Pizza好香，而薯仔片、烤蒜頭同火箭菜就令到個Pizza口感好豐富，食到索索聲。