1
刺身係冰鎮住上枱，質素都幾好，值得不斷encore!
御泰之味冷鮑魚係新野，鮑魚好彈牙，個汁好辣下
油甘魚：好厚切，鮮甜有口感
劍魚腩：非常肥美，入口即溶
希靈魚：細片不過爽脆
泰式生蝦：無頭方便食
角螺：唔錯，有咬口
赤貝：雖然細細隻，不過好新鮮爽脆
帶子：好鮮甜高質，厚身啖啖肉
阿根廷赤蝦：好大隻連頭，口感黏口，而蝦頭有汁
鹽燒牛舌：一串兩件，都彈牙既，可以加檸檬汁
鹽燒雞軟骨：一串多粒，好脆口，唔會太乾，又唔會太鹹
燒紐西蘭羊鞍：羊鞍燒得外脆內嫩，羊羶味唔濃，每次只可以叫兩件，第一轉又大又嫩又啖啖肉，好正
蒲燒鰻魚：熱辣辣上枱，叫幾多上幾多，食落彈牙啖啖肉，加上足夠鰻魚汁，正！
西京比目魚：好滑溜而皮好香，伴有蛋黃醬
蒜蓉燒生蠔：熱辣辣，味道唔錯
虎皮燒尖椒：吸嗮油，好辣呀
古法羊腩煲：真係一個鍋上枱，羊腩有三件，都算淋，伴有鮮冬菇同荀，分量兩個人分剛好
上湯菜心：一客4條，菜心好嫩綠，配有蒜頭
椰汁流心球：表面有一粒粒白色粒粒，入面勁多椰汁夾西米粒流心爆漿，要小心爆汁
吉列炸蠔：蠔肉好多汁，炸皮香口
貓生王榴槤炸彈：外脆內流出香滑榴槤醬，好香榴槤味
雪糕5選1包括哈根大師雪糕3款同Movenpick2款當中選1，我地揀左哈根大師新款開心果雪糕。净係呢杯雪糕出街食都唔少錢。
免費升級烤榴槤任食，可選擇唔烤
呢個榴槤係新野！
仲有其他自助野食同飲品自己攞。三大個飲品櫃有好多不同種類既飲品，包括罐裝汽水，韓式飲品，紙包飲品，有汽水有茶，啤酒都有。仲有Sake任飲。
有3款熱食，包括西蘭花，魚蛋，豬肉，一款中湯同popcorn。
前菜有二十幾兜，包括蝦，青口，蜆，多款韓國泡菜，腐皮，魚皮，辣筍片，海葡萄，車厘茄，沙律菜，中華沙律，提子乾，海捷，蟹籽，枝豆，酸薑，酸澆頭，辣味螺肉，蘿蔔漬物，其他漬物等等。
炸物3款有麥樂雞同炸薯塊，醬汁放隔離自己攞。
甜品櫃有牛油蛋糕，兩款慕斯蛋糕，仲有曲奇餅，忌廉泡芙，迷你甜品杯，同日式和果子
水果有西瓜同哈密瓜。
總括而言，食物款式衆多，刺身燒物炸物特別好，夠你大飽口福。呢個價錢都幾抵食，絕對夠時間食飽飽，基本上無漏單，上菜時間合理。座位舒適，有足夠私隱度。平日午市滿座。
