御泰坊-泰越菜 (已結業)

係APM性價比高的餐廳不得不提御泰坊的美味泰國菜，因為兩個人比較難叫好多款式，所以經常都來試唔同菜式。難得時間尚早不用等位，今次仲比左個L型的二人卡位比我地坐，但其實都幾窄下，坐得唔算特別舒服，但就叫做有私人空間。燒牛柳沙律 - 今次係有D中伏既，味道都幾辣下，係個太濃味的沙律，而且分量都唔少，最終食唔晒做左大晒鬼。泰式炒貴刁 - 分量同樣充足，餸特別多，反而係河粉比較少。材料都好新鮮，特別係蝦同蔬菜都係好食加大分。整體而言，食物質素唔錯，好有泰國風味，而價錢當然都唔平，但都係可以再去食的餐廳。