西貢越南餐廳 (已結業)

週末晚, 睇左Cooper Temple Clause@Rockit, 個肚已經咕咕聲, 因為幾乎一日冇野落肚, 於是3人從維園出發去搵野食, 搵到呢間店子, 友人話佢地既豬頸肉飯值得一試, 所以就不作他選啦(因為時已2300)！間鋪係冇乜裝修個隻, 係度食野既人, 就好似我地咁, 都係但求有d好野醫肚咁jai. 睇完個menu, 見到有一個炸扎肉撈檬, 酸酸甜甜, 應該幾醒胃, 果然碗野上檯時既賣相又加左d分, 滿滿一大碗既檬粉, 其上亦放滿紅紅綠綠既配菜, 加埋d花生碎呀, 魚露呀, 嘩！好食到下得了, 而個d炸扎肉, 表面脆口得黎d肉又好鬆軟, 正在享用其間, 友人給我一塊豬頸肉, 一試之下, mmmm, 一定有下次！碗野連凍飲都只係30餘元, 抵食！