B-mix 燒肉餐酒館 (已結業)

今次入大西北元朗食燒肉，環境氣氛非常好，有好大個mon，成晚keep住播音樂。四個人食座位好寬躺，椅背好高又有私人空間。我哋叫咗個四人餐，四人餐有得揀豬或牛，我地揀左牛，一開始餐牌寫每樣兩件，我哋都擔心唔夠食，食物嚟到就覺得好豐富，注意四人餐平日叫有折，用料非常高質，刺身好新鮮，啲牛都好靚，CP值高，由於冇限時間，我哋由七點開始燒（燒肉都比較需要時間，急唔黎），慢慢燒嘢食又可以一班朋友傾偈，一路燒一路食，最後我地都食唔晒成個餐，間餐廳真係好合適做聚餐。走之前發現餐廳仲有幾間VIP房，好似可以唱K，如果可以一路唱K一路燒嘢食咁真係好正！