影片
更多
2016-03-06
3378 浏览
今晚家人同男人慶生, 朋友介紹下, 男友爸爸選了這家京菜餐廰, 我地訂了廂房, 一入到去, WOW!~~~ 好似真的置身北京老家一樣, 古色古香, 裝修別樹一格, 未食已經消耗了不少手機電池牆璧都一絲不苟.... 充滿不同的福字當晚天氣唔太熱, 可以開窗, 意景一流!房外的枱還有真係金魚作裝飾.... 家中小朋友特別興奮雀躍, 就連我呢個大朋友都覺得呢件事好AMAZING!我地選左"事"餐, 老闆極力提議我地將雙鷄轉做神仙雞, 一於聽老闆話!五福大拼盤, 分別有紫蘿蔔絲、 菠菜、金錢展、手撕雞及海蜇，蘿蔔絲味帶鮮甜及酸美美，食落有D似紅菜頭，海蜇亦都爽口彈牙，呢度菜真係做到色香味俱全, 為今晚既晚宴作了一個好開始. 宮保大明蝦，蝦肉新鮮爽口, 糖醋味道恰到好處, 非常醒胃的一度菜!排骨炆鮑魚, 排骨好腍身, 鮑魚亦好入味, 但有少許靭, 個汁既味度好得, 師傅唔肯講用咩獨門秘方, 我相信用了蠔油, 頭抽及特別香料, 真係好好味! 呢度菜賣相得, 好適合新年及團年喜慶時候享用!珠聯璧合魚翅, 其實我食呢個翅既時候無留意個菜名, 事後先知原來佢有翅, 不過呢道菜個味道很清甜, 用了發菜豆腐
今晚家人同男人慶生, 朋友介紹下, 男友爸爸選了這家京菜餐廰, 我地訂了廂房, 一入到去, WOW!~~~ 好似真的置身北京老家一樣, 古色古香, 裝修別樹一格, 未食已經消耗了不少手機電池
牆璧都一絲不苟.... 充滿不同的福字
當晚天氣唔太熱, 可以開窗, 意景一流!
房外的枱還有真係金魚作裝飾.... 家中小朋友特別興奮雀躍, 就連我呢個大朋友都覺得呢件事好AMAZING!
我地選左"事"餐, 老闆極力提議我地將雙鷄轉做神仙雞, 一於聽老闆話!
五福大拼盤, 分別有紫蘿蔔絲、 菠菜、金錢展、手撕雞及海蜇，蘿蔔絲味帶鮮甜及酸美美，食落有D似紅菜頭，海蜇亦都爽口彈牙，呢度菜真係做到色香味俱全, 為今晚既晚宴作了一個好開始.
宮保大明蝦，蝦肉新鮮爽口, 糖醋味道恰到好處, 非常醒胃的一度菜!
排骨炆鮑魚, 排骨好腍身, 鮑魚亦好入味, 但有少許靭, 個汁既味度好得, 師傅唔肯講用咩獨門秘方, 我相信用了蠔油, 頭抽及特別香料, 真係好好味! 呢度菜賣相得, 好適合新年及團年喜慶時候享用!
珠聯璧合魚翅, 其實我食呢個翅既時候無留意個菜名, 事後先知原來佢有翅, 不過呢道菜個味道很清甜, 用了發菜豆腐加上清湯去餚製, 好味! 不得不讚係師傅既刀鋒, 每條豆腐絲都切得非常幼細! 勁呀!
烤北京填鴨, 肉質鮮美, 唔太油, 保持呢度菜既水準
呢度菜唯一可以再做好D係D包皮可以每張都用牛油紙分隔, 唔使痴住
原本餐牌係胡同炸脆雞, 老闆極力推介沙鍋神仙雞, 就試下啦! 師傅話呢道菜亦都用了秘製香料醃製及炆煮左幾個小時, 隻雞裡面仲釀左豬手, 呢度菜真係好考功夫, 值得一試!
草捆牛骨, 香牛味, 肉質中間好腍, 但頭尾位置有少許靭
老家柚子魚, 小妹勁LIKE呢個菜, 炸魚夠香口, 魚肉夠新鮮, 以往松子魚就食得多, 柚子真係第一次, 原來個感覺係咁奇妙架!
瑤柱扒時蔬, 嘩, 好足料, 好多瑤柱呀!~~
北京水餃, 其實去到呢度已經好飽.... 但SO FAR咁多度菜都好好味, 小妹都好想試埋呢款咁簡單既菜呢度會煮成點呢? 結果係, 依然有水準! 水餃皮薄, 肉質鮮嫩多汁! VERY GOOD!
炒刀削麵, 查實小妹一向不太好, 因為我食親刀削麵都覺好油都無乜味, 我寧願食乾炒牛河好過.... 不過, 呢度改變左我對刀削麵既睇法, 原來係可以咁好食架! 唔太油, 炒得勁甘香, 刀削麵每條都切得超薄! 師傅, 收唔收小妹為徒呢?
拔絲士多啤梨, 唔好比佢停, 最後當然要試埋甜品啦~ 單睇個賣相已經剎哂, 個粒士多啤梨都好大好多汁!
整體而言, 今餐真係做得非常出色, 小妹孤陋寡聞, 咁耐以來算食過唔少京菜, 我敢講呢度真係食過咁多間最好的, 呢度一定會返轉頭架! 最後唔少得當然要多謝UNCLE既好介紹啦!张贴
