賀喜 (雲疊花園商場) (已結業)

9:30pm到, 入黎冇人招呼, 自己坐低...落單, 叫邊樣冇邊樣, 飲品2隻都冇貨, 逼住叫其他...最後叫左海膽飯, 餃子拉麪同汽水...成碗飯食完, 個餃子拉麪45分鐘都未黎,追單啦... 佢話整緊, 點知隔一陣話廚房師傅新手, 打瀉埋唯一碗麪... 問我地仲叫唔叫其他, 等左45分鐘淨係為左一碗麪都冇埋...攪到朋友冇野食, 仲要埋單已經10點半, D餐廳都關門, 真係比佢累死!我唔明已經咁差係咪要補償下? 識做嘅免返枝汽水條氣都順D...最後一個海膽飯加枝汽水咁就盛惠$205!呢間野冇回頭, 食完背脊骨落...