伊甸 (已結業)

唔知伊甸係唔係好多嘢食嘅啦？作為為食嘅朋友，真係發緊夢都掛住食呀！但眼前嘅觀塘人多車多，繁忙時間真係Oh My God，不過，繁忙嘅背後都有一個世外桃源：伊甸！位於觀塘嘅伊甸，同我夢裏面一樣都係咁多嘢食，餐廳以木系設計，主打台灣菜，充滿文青風格，非常寫意。EDEN特製台式雙餸鐵路便當 每次去台灣旅行，明明食飽咗，但上火車前都會買份鐵路便當。伊甸嘅堂食鐵路便當，當然同外賣上車食嘅鐵路便當有所不同，不同之處當然係夠晒熱辣辣。便當嘅組合非常多，我哋就揀咗台式香菇肉燥配珍珠白飯、鹽酥雞排、鹽酥花皮丸、涼拌小食同63.5度慢煮溫泉蛋。白酒蒜香蛤蜊意大利麵另一款主菜，叫咗台式西餐。呢個白酒蒜香蛤蜊意大利麵，味道充滿層次，既有酒香又有蒜香，加上蛤蜊嘅鮮味，夠晒滋味。紅豆仙草芋圓講到台灣嘅甜品，又點少得芋圓。芋圓份量十足，非常Q彈；至於紅豆軟綿，充滿口感！波霸奶茶日文就叫做波霸奶茶，奶同茶嘅比例啱啱好，奶滑茶香，加上Q彈嘅珍珠，為呢個現實嘅伊甸畫上一個句號，而我哋又要重返繁忙嘅觀塘。