Corefy (裝修中)

星期日晏晝諗住同男朋友食個lunch，就去呢間我bookmark左好耐嘅Cafe，滿心期待去食啦。我哋大概1:15pm到，冇訂位但都好好彩仲有一張枱可以即時入座，嗌咗兩杯嘢飲一個漢堡包同一碟意粉。兩杯嘢飲5分鐘內就到咗，味道正常。店內嘅人流非常多，不停出出入入起身打卡，場面我認為有少少混亂。個漢堡包20分鐘之後都到咗，男朋友話舊肉老咗少少，但係整體味道還可以，都有好多肉汁。但係我個意粉前後等咗45分鐘，我男朋友都食完，兩杯野飲都差不多飲完，個意粉仲末嚟。。。如果我男朋友等埋我先一齊食，咁咪等到凍晒？我問店員追追個意粉，佢淨係話差唔多整好出嚟，但我哋又等多咗7-8分鐘，終於都係唔想再等，就起身話唔要個意粉，個店員又話差唔多出得餐，最後我就外賣拎走。價錢同食物質素不成正比，出餐慢到離譜，得個裝修有少少特色，pet friendly ，但係絕對吾會再去，亦都絕對唔推薦。