糖思甜品 (已結業)

已經成年幾無食過棉花冰啦,更加唔好話日式刨冰,因為對我黎講唔加汁就一d味都無。出面食親既棉花冰普遍有以下幾個通病:1) 味道唔平均,有d位好甜但有d位無味;2) 無謂配料加得太多，有d自己加錢簡配料仲大獲,事關唔識簡好容易簡左味道唔夾或重味過冰本身既配料。好似以豆腐棉花冰為例,如果簡左朱古力味咁濃既配料只會影響左成件事。黎到糖思，第一個感覺係好親切，所有員工態度都好好、好有家的感覺。第二係坐既環境都好cozy,燈光柔和。第三就係睇menu時候既感覺，店仔細細但係中西式甜品都有，好可惜個menu就有d錯漏,有錯字同譯字有d問題。棉花冰選擇唔多、只有4款，分別係：芒果、芒果益力多、朱古力Vanilla同榴槤棉花冰。好老實，榴槤就咪搞我啦。夏天熱辣辣，就叫個酸酸甜甜既芒果益力多棉花冰啦!一上枱我嚇親！咩咁大碟都只係43蚊咋?我懷疑我同朋友兩個人share會唔會食得曬。佢配料唔多，只有芒果爆珠珠，但味道真係交足貨-芒果是芒果、益力多是益力多。神奇地芒果係無蓋過益力多味、相得益彰。食到食唔落但我都唔捨得「放口」，用力KO埋最後一啖。下次我一定會試埋其他甜品，咁近我屋企真方便。