牛奶冰室 (形點 II)

营业中

休息中

一路都係只係睇食評，今次真係忍唔住要寫一個負評。見到之前已經有好幾個負面report, 我可以肯定係真嘅。今次到我要分享吓下午茶嘅楊州炒飯，星期一3:45嘅下午茶時間，已經唔可以話多人㗎啦，點咗餐20分鐘要催先到，嚟到嗰碟嘢係微暖嘅，冇所謂，我冇乜要求照食。簡單啲總括一下，係冇味嘅，唔知點解要用火腿同埋紅蘿蔔粒去炒，你會見到啲火腿係燶嘅，叉燒唔係粒係有幾條叉燒絲，人哋楊州炒飯會有啲蝦仁仔，佢係將一粒蝦仁分開四粒咁樣，加埋都應該有兩粒蝦仁，又唔明白點解好好地一碟楊州炒飯要用珍珠米去炒。真係冇心機講，因為真係唔識形容有幾差。冇諗過自己食完五日之後都會仲激氣緊，難聽啲講真係好似比狗食咁，我食咗一半都要放棄。一間餐廳可以咁尊重自己嘅出品，仲要開咁多分店，又唔做好管理，簡直係不知所謂。