Omotesando Koffee (已結業)

利東街重新改造之後，不定期都會換上新既裝飾，我久唔久都會黎呢度走一走。但係黎過幾次都冇發現，今日經過一間店鋪 門口打開，陣陣咖啡味由鋪頭傳出黎。我抬頭一望發現原來係鼎鼎大名嘅表參道咖啡！！早早已經聽過Omotesando Koffee既大名，但係由於佢既門口十分簡約，令我行過幾次都冇留意到..呢間咖啡店既裝潢好似一間實驗室，裡面有一支支test tube裝滿咖啡豆，咖哩師尤如做實驗一樣為客人炮製咖啡。不過入面既座位不多，而且比較密集，所以同朋友買左兩杯hot cappuccino 邊行邊飲。知道表參道最signature 既係iced cappuccino，但係熱既都好出色。咖啡味道厚實，咖啡餘韻在口腔內徘徊，讓人回味..飲過好多出名既咖啡店都係名過其實，但係今次確實飲得出表參道出名既原因，不只味覺更是視覺既享受。