渝味曉宇重慶老火鍋 (如心廣場) (已結業)

今日同另一半一齊去荃灣睇戲，預早左時間出來荃灣食野，好耐無食過火鍋。經過如心廣場見到原來荃灣都開左渝味曉宇，決定入去食，因為6點都未夠，所以人唔多，去到就有位！坐低之後發現轉咗用QRcode點餐，好方便又環保🤗第一件事叫左個鴛鴦湯底（蕃茄湯拼重慶小辣），然後再慢慢睇下有咩好食。我地見到有季節限定鮮活海蟶！我地叫左半份。之後叫左曉宇嫩牛肉、桂花蚌、淮山條、鮮竹笙、凍豆腐、蓮藕片、鮮鵝腸、土豆片、炸芋頭、萵筍條、皇帝菜、同埋鴨血。先食佢既鮮活海蟶，半份6隻，好大隻，烹煮時間要等5分鐘，食落勁鮮甜！好好味推介👍🏿👍🏿👍🏿推薦佢地既淮山條，有白色有紫色，放落鍋煮幾分鐘拎上來食勁鮮勁爽口👍🏿👍🏿👍🏿👍🏿仲有新鮮鵝腸，放入鍋煮佢廿秒左右就拎番上來，超級爽口👍🏿超級好味👍🏿麻辣火鍋必食既鴨血，放入麻辣湯好入味，正😍