囍筷 (已結業)

今日中午同朋友去開銅鑼灣，又夠鐘要搵野食啦，見到台灣野-囍筷，個名夠過癮，就入去食下先。咁食台灣野就一定會點紅燒牛肉麵，我今次亦唔例外，麵彈牙湯底濃郁、牛腩唔會太韌，而且唔吝嗇比足大大四舊牛腩。朋友叫佐炸雞腿便當，一個便當附有滷蛋、調好味既矮瓜等等，雞腿唔會炸得太乾、幾惹味。一份餐再加小小錢就可以叫埋小食，我地另外叫佐一份鹽酥雞小食同炸豆腐，兩個都好好味，唔會太油膩，調味醬汁亦非常合適。加上叫餐亦可以加台式喝料，我地叫佐冬瓜茶同百香果綠茶，甜道剛好、夏天消暑一流！