野川拉麵の深燒食堂

营业中

休息中

陪朋友帶狗仔去元朗游泳，食過番尋命，再相約朋友來多次啤啤佢，餐廳設有室內和室外，上次帶狗仔來食坐室外，今次便坐室內吧。話明啤啤佢，當然要飲杯黑啤啦，份量十足，好大杯，清涼清爽。飲啤酒最啱配燒物，雞泡魚干身燒味十足，不鞋口，易嚼，仍然保持肉汁。燒鮑魚，大大隻，𠝹左花仍然充滿嚼勁。沾上槳汁更提鮮。燒大頭蝦趁熱食，雖然急凍蝦都有足夠鮮味。燒鴨舌，一串6隻，疫情無得去旅行，吃完好掛住台灣人的特產之一麻辣鴨舌。脆脆鰻魚串，厚切一串，啖啖肉，外表金黃色吸引食慾，食完好想再來多串呢。燒黑豚肉五花腩，肥瘦分明，肉質不韌，好香口，一口五花腩一口黑啤很是過隱。燒牛仔骨，相對而言超抵食，而且估唔到非常有牛味，肉質嫩滑，上次吃過，今次也必吃。魚生拼盤揀左六品剌身盛合，新鮮得黎，價錢真係平嘅，$218有海膽，帶子，油甘魚，厚切三文魚等…沙冰芝士奶蓋，估唔到咁大杯，口感順滑綿密，甜度適中，吾止飲，還是一杯食得落肚的奶蓋茶飲，飲完超滿足。埋單有推廣優惠，低至半價。下次再嚟啤啤佢。