翠園 (星光行)

营业中

休息中

五月二十九日（星期六），得閒同媽咪逛逛街，行到星光行，已是中午時分，差不多開飯時間，就走去翠園碰運氣，升降機門一打開，看見已有十多人等位，但係懶得到別層再碰運氣，等就等啦，反正等候區有吉座位，可以坐住等，等了大概二十分鐘就入座，打開餐牌，噢，D點心、飯麵的價錢比其他食肆貴一大截喔，算啦，難得請媽咪食個午飯，就叫了幾個媽咪喜歡又飽肚的點心。 百花釀魚肚，百花爽口彈牙，魚肚爽爽地、腍腍地，好有口感，媽咪至愛。 荷葉飯，分量頗多，味道OK啦，無咩特別，勝在可以填飽個肚。 蟲草花瑤柱灌湯餃，真的有整粒瑤柱，幾條蟲草花，材料十足，不錯的選擇。看見媽咪食得開心，貴D都值得。