牧羊少年咖啡館 (K11購物藝術館)

間唔中喺尖沙咀做嘢都會搵間Cafe hea下，喺k11入面地庫二樓嘅牧羊少年咖啡館就係其中一個我常去嘅地方。

呢度咖啡都唔錯，尤其係佢果啲好有創意嘅咖啡。與其叫做創意咖啡，個人覺得叫做咖啡特飲仲更加貼切，因為溝埋生果、爆谷、冰糖蓮子等，都已經唔係好算咖啡了。

啡你莫薯

呢杯最招牌嘅啡你莫薯，上面有片薄番薯做裝飾，而隔住佢同下面咖啡嘅，就係一層奶泡。飲落唔會太甜，亦有番薯香味，啡中帶薯，係值得一試嘅飲品，慢慢坐下飲幾啖，真係好悠閒！