炑八Taste (已結業)

真心好過分。油塘既韓國野真係唔多，咁就去左呢間食左個泡菜豬肉飯。上到枱，咁我突然諗，不如數下佢俾左幾多塊豬肉啦，因為餐牌上面既圖見到豬肉既份量都唔少，一塊塊整齊咁排上面。點知我一數就大鑊啦，發現佢既豬肉，首先，係要以粒計既，非常非常細粒，平均都係手指甲咁大。當你以為大塊既，一塊塊既，好深色既，係豬肉既時候，其實一切都係假嘅，全部都係泡菜。細細粒既先係豬肉。佢完全係以顏色欺騙世人。其次，佢粒粒豬肉都算啦，已經咬都無咩口感，而且佢份量仲好鬼少。鬼我諗唔超過十粒。其實，豬肉係貴，但係都唔使份量咁少掛，你既價錢又唔平，都要俾番啲應有既質素掛。以後，絕對唔會再食，一定。