星巴克咖啡 (已結業)

經過幾次所謂旗艦店，飲開小精品咖啡店嘅我鼓起勇氣，八卦入去試試佢哋嘅單品啡。是次點咗Colombia，用Chemex沖。超級大杯，有一塊小曲奇同tasting note，可惜豆炒得極度深，深得嚟毫無風味，毫無層次，換成另一個產區嘅豆炒成咁都可以得出一樣味道，就係炒燶咗嘅味道，而並非炭燒嘅味道 (因為相信佢哋唔會以直火烘焙)！Tasting Note上寫嘅風味，實際只會喺淺或中炒先會出現，水洗嘅酸度？梨、蘋果嘅甜度？完全冇！今日明顯浪費金錢，又冇位坐，都係去返附近嘅NOC或N.O.T. Specialty好啲。