新記芝士麵 (已結業)

零九年一月中旬宵夜星座冰室樓上，大光燈下見到芝士豬頸肉，對方好奇心發作，唔識死的鑽入巷內搵食。幾特別的茶記，位置唔算好，坐得亦唔算舒服，但開得夜，又有大電視，有唔少明星來捧場，看看餐牌，最吸引的是芝士燒豬頸肉，另外芝士丸同手打魚蛋亦過癮。先要碗燒豬頸肉撈丁麵，又想丸，說來奇怪，芝士丸同可單叫，但就唔可以雙併，老闆都幾堅持的，撈丁就撈丁，不要丸了。雖已近十一時，但仍有客入飲意大利咖啡，得意，撈丁一陣有得吃，滿滿的軟芝士淋在豬頸肉上，雖然其貌不揚，卻是足料之作。芝士夠熱，吃起來夠香熱不會黏得很緊，濃香，豬頸肉調味調得好，燒得乾香，是出奇的好味，用來撈丁既簡單又美味，芝士撈丁，豬頸肉當送吃，幾簡單又好味的茶記風味，吃得滿意。