東京食堂 (已結業)

今日約咗個超耐冇見嘅朋友食Lunch，叫佢搵食咩，佢就搵咗呢間“東京食堂”～ 因為佢之前都同朋友去過就，拉埋我去食。呢間餐廳有D難搵，可能因為我同我Friend 都係路痴，佢又唔記得上次點行，我地由唔餓都行到餓～我朋友超快叫咗蒲燒鰻魚半份（可以揀半份/全份），加$20就會變定食（包珍珠米同味增湯各一碗），唔包野飲（氣水、特飲等）只會有普通熱茶。我就唔太好鰻魚所以就叫了味增豚肉定食，我地仲叫咗1 串雞軟骨同蟹肉忌廉薯餅，少少地試下味。我叫嘅味增豚肉定食份量都算大，都好多汁但就冇咩味增味，用D汁送飯食都唔錯嘅，唔會話太咸。而我朋友就話D鰻魚幾肥美都幾好食，小食方面雞軟骨同蟹肉忌廉薯餅就正正常常，冇咩特別～不過講真呢個價錢仲要星期六係尖沙咀食到呢種日式Lunch 定食已經好好，性價比都幾高!!