屯の大阪章魚燒 (已結業)

見d人話呢間幾好食，又要勁排隊排成粒鐘先買到。。。今日路過見到無咩人排隊，所以就過去買。睇下有幾好食！前面大概有4,5個人。等左大概兩個字，終於到我落單。難得食一次，就買左3個不同味道黎試一下。整體都ok,不過如果要排成半粒鐘先買到嘅話，我就唔會買了。原味章魚燒👍🏻當然想試下原味係怎樣。可能係外賣關係，過左幾個字後先食。。。外皮已經唔脆了。。。不過味道係幾好的。咬落去唔會似咬梗一pat漿。而且有勁多木魚片蟹子章魚燒👍🏻👍🏻勁多蟹子！一d都唔孤寒！雖然只係原味章魚燒上加上一大堆蟹子。但蟹子帶出左爽脆的口感！食落都幾夾。呢個我覺得幾驚喜。不錯。值得推介。明太子章魚燒本身唔係好食明太子。不過見前面嘅人多數都叫呢個。所以都叫黎試下。明太子都算多，不過我又不覺得特別好食。覺得有點太dry。