喜喜冰室

經過fashion walk見到招牌，指行入小巷有冰室，抱著即管一試嘅心態行入小巷，小巷迎面嚟嘅一家人突然指住牆上大叫有"米奇老鼠"呀！嘩好大隻！對於呢個地方減左少少分，食完離開時即刻行左第二邊走。

講返食物，叫左個型男餐，好少冰室有伊麵餐，湯底好濃郁都幾好味，但牛腩同伊麵嘅份量可以多返少少。

另外叫左個菠蘿包，覺得去冰室梗係要食個包，結果係好食，鬆軟。

最後，冰室嘅熱奶茶仲有進步空間，茶味略濃入口有點苦澀。