break (已結業)

今次試咗南蠻炸雞牛油果丼配醬泡墨魚咀，隨餐附上嘅麵豉湯添加咗櫻花蝦，鹹中帶甘甜，令湯嘅味道多了層次，同平時一般餐廳飲到嘅麵豉湯與別不同，炸雞份量適中，香脆可口，令人一試回味，整個套餐值得推薦！另外嘅主菜係北海道帆立貝明太子飛魚子意大利麵，配上醬汁烹調的麵質幼滑，奶油般嘅口感，配上晶瑩剔透嘅飛魚子，每一啖都好滿足～ 帆立貝用牛油煎至金黃，熟度剛好，鮮味十足亦有咬口，除餐附送仲有感覺清新嘅柚子醋沙律同煙韌嘅豆沙芝麻麻薯，睇嚟講都值得一試。最後叫咗一杯焦糖牛奶咖啡，咖啡師好用心拉出好靚嘅飛馬圖案，焦糖味好夾而且甜而不膩 ，鍾意咖啡嘅大家嚟到都不妨試吓呢杯大師之作！