影片
更多
2010-01-21
13 浏览
平時同女朋友都會周圍試放題,之前行過力生,見到開左間新野,諗住去試下,點知。。。。。真係未試過一間印象咁差一入座,坐旁邊四個男仔已經嘈緊,話等左半個鐘都未有野食,我地諗可能佢地誇大左同埋間餐廳忙姐！一開波叫左好多野食...但係等左好耐好耐好耐好耐先黎得一碟,睇一睇周圍,都未爆場就搞到咁.....我地開始擔心兩小時任食放題究竟飽唔飽.....叫左3round,第一個round既野都未齊,坐後面一家三口又嘈喇,佢地話等d野食真係等了又等,前後有四位同事話幫佢地跟進,點知都係坐係度食塵,乜都冇得食,而我地呢.....只係食左幾片刺身,兩件壽司同埋一碗迷你烏冬,飲左好多茶.......個幾鐘後,我地決定放棄喇,唔再叫野食,反正叫咩都冇得黎,得個等字....旁邊四個男仔叫左埋單,原來要叫左埋單先有人幫你追野食架....佢地埋單都等左差唔多十五分鐘,見到佢地嬲嬲地話想出去埋單,而我地就繼續等等等。。。到最後,我地唔等啦,飽左喇,飲左咁多杯茶.........最勁係佢個menu寫到明,所有野即叫即做,起碼要等5-15分鐘,見到都眼火爆,咩叫做放題?要等咁耐仲要限時！我等得咁耐就食散叫啦...個加一服
真係未試過一間印象咁差
一入座,坐旁邊四個男仔已經嘈緊,話等左半個鐘都未有野食,我地諗可能佢地誇大左同埋間餐廳忙姐！
一開波叫左好多野食...但係等左好耐好耐好耐好耐先黎得一碟,睇一睇周圍,都未爆場就搞到咁.....我地開始擔心兩小時任食放題究竟飽唔飽.....
叫左3round,第一個round既野都未齊,坐後面一家三口又嘈喇,佢地話等d野食真係等了又等,前後有四位同事話幫佢地跟進,點知都係坐係度食塵,乜都冇得食,而我地呢.....只係食左幾片刺身,兩件壽司同埋一碗迷你烏冬,飲左好多茶.......
個幾鐘後,我地決定放棄喇,唔再叫野食,反正叫咩都冇得黎,得個等字....旁邊四個男仔叫左埋單,原來要叫左埋單先有人幫你追野食架....佢地埋單都等左差唔多十五分鐘,見到佢地嬲嬲地話想出去埋單,而我地就繼續等等等。。。
到最後,我地唔等啦,飽左喇,飲左咁多杯茶.........
最勁係佢個menu寫到明,所有野即叫即做,起碼要等5-15分鐘,見到都眼火爆,咩叫做放題?要等咁耐仲要限時！我等得咁耐就食散叫啦...個加一服務費都唔想俾囉真係
下次呀,送錢俾我都唔黎呀！！！
张贴