一生任食和式火鍋 (已結業)

老婆生日飯, 想食日本野但又想任食, 看食評唔錯, 終來一試, 真係好好。我地食9:30pm $128 加一, 地方夠大, 乾淨, 枱與枱有距離, 員工經理有禮貌, 唔會因為任食就對客人愛理不理。食物有食多選擇, 而上菜時是裝飾過才上, 很少見放題都會同你整到靚靚先上枱, 師傅唔馬夫有心機, 但當然等的時間就. . 等了很久才來, 而且佢唔會俾你一次叫好多, 我們四人只可一次點8 款, 而每一款都係俾少少你, 一定要叫多幾Round 先夠食, 果日送的是日本溫泉豚肉, 其實係豬肉, 無乜味唔係咁好食, 刺身新鮮, 鮮甜, 雞軟骨串燒好味又唔會太乾, 壽司卷物正, 生果沙律的生果有橙, 蘋果, 奇異果合成, 好正, 買相與味道都係一絕。不過星期一至四9:30pm 後才有$128, 其他時段貴D, 我地都試唔哂D野食, 因為太多, 朋友話下次再去encore.回應下面的人兄, 其實我覺得個經理唔係好煩姐, 不過佢都幾搞笑, 好似出來做小丑, 都唔係好嘈姐, 個人觀點吧了。