富山居 (裝修中)

最近天氣涼反好多，真係好想食反d熱騰騰嘅嘢暖下身😚見今日放假，就同媽咪去咗大埔大元街市美食廣場嘅富山居食個午餐先！餐廳非常日風，裝修設計好溫馨💗喺職員嘅安排就座之後，我隨即翻開餐牌，點咗個$40生炸雞髀配炸薯條同埋點咗個$50經典芝士焗吞拿魚手工扁意粉。🐔生炸雞髀配炸薯條好正，雞髀係即叫即炸，而且份量十足，口感外脆皮內嫩滑！🍟薯條亦炸到金黃色，香口得嚟脆卜卜！🐟經典芝士焗吞拿魚手工扁意粉好吸引，芝士同吞拿魚醬都焗到金黃色，而且意粉嘅軟硬度都剛剛好！