KAT (已結業)

今天路過美居中心,發現到這間小店。剛巧肚子有點餓，所以決定入去一試！這店舖雖是很細，但感覺乾淨舒服。坐下後我點了冬瓜茶和雞扒腸仔香草蕃茄肉醬麵！店主很細心的問我要仙草或檸檬冬瓜茶，我答可否要淨冬瓜茶和能否做到小甜？因為本人好怕飲好甜的飲品！店主都就無問題！當飲品到來時，真的忍不住要大讚個杯好靚呀！估唔到十幾蚊杯冬瓜茶都有隻咁靚嘅杯，仲要做到我想要的甜度。（試過好多次在別些地方叫小甜冬瓜茶永遠都係甜到暈！）而食物方面，雞扒肉質好滑，香草味好香，蕃茄亦不會過酸，只是略嫌麵質淋了一點，但總括都係好味的。其實店內很多食物我都覺得好吸引，好想試！有機會我一定會再試埋其他！我很少寫食評的，但是感覺到店主對食物好有要求，絕不會因為食物售價平而是是但但交行貨，這點是我很欣賞的。