影片
更多
2021-01-26
221 浏览
天氣凍，最好既活動莫過於去打邊爐，食完暖笠笠。所以選擇左近來最多人推介既台灣火鍋店牛大人食午餐。店內裝修時尚簡約，座位舒適，檯與檯之間保持一定距離，私隱度十足。餐牌上有60分鐘定食火鍋以及三種價格既90分鐘食到飽套餐。我地選左最貴既90分鐘食到飽套餐，198一位，未連加一。湯底方面，則選左番茄湯同牛骨湯鴛鴦鍋，湯味濃郁，番茄湯有番茄，牛骨湯亦有牛骨，真材實料。基本上每種價格既套餐都有牛豬雞，但比多少少錢既極上和牛食到飽套餐除左可以選擇多幾款既肉類之外，仲有秘制滷味同埋漿(魚滑，牛肉滑，墨魚滑) ，性價比高。 三款既漿都口感十足，非常彈牙。至於肉類方面，我就比較喜歡澳洲和牛M5牛肩卷，牛媽秘制牛肚同埋西班牙五花片。和牛油脂分佈均勻，非常嫰滑；牛肚醃製入味，爽而不韌；五花片層次分明，脂香感十足。此外，餐牌上亦提供多款台式小食，例如鹽酥雞、小香腸、梅甘酥脆薯。雖然疫情關係未能真正去台灣品嚐當地美食，但今日已經填滿左預留比台灣既肚皮。有別於其他傳統火鍋店，飲品方面，除左一般汽水，仲有多款自家冷泡茶(例如洛神花茶、菊花普洱)，全部放左係一個超大超寬既雪櫃，非常吸晴。打邊爐通常大家都會集中火力主攻
我地選左最貴既90分鐘食到飽套餐，198一位，未連加一。湯底方面，則選左番茄湯同牛骨湯鴛鴦鍋，湯味濃郁，番茄湯有番茄，牛骨湯亦有牛骨，真材實料。
基本上每種價格既套餐都有牛豬雞，但比多少少錢既極上和牛食到飽套餐除左可以選擇多幾款既肉類之外，仲有秘制滷味同埋漿(魚滑，牛肉滑，墨魚滑) ，性價比高。
三款既漿都口感十足，非常彈牙。至於肉類方面，我就比較喜歡澳洲和牛M5牛肩卷，牛媽秘制牛肚同埋西班牙五花片。和牛油脂分佈均勻，非常嫰滑；牛肚醃製入味，爽而不韌；五花片層次分明，脂香感十足。
此外，餐牌上亦提供多款台式小食，例如鹽酥雞、小香腸、梅甘酥脆薯。雖然疫情關係未能真正去台灣品嚐當地美食，但今日已經填滿左預留比台灣既肚皮。有別於其他傳統火鍋店，飲品方面，除左一般汽水，仲有多款自家冷泡茶(例如洛神花茶、菊花普洱)，全部放左係一個超大超寬既雪櫃，非常吸晴。
打邊爐通常大家都會集中火力主攻肉類，而對於鍾意食蔬菜既我，就會比黎度既蔬菜吧吸引住。一盒盒有蓋膠盒裝好既蔬菜以及各色各樣既火鍋配料整齊甘排列好係雪櫃，任由我地去各取所需，非常衛生。
係蔬菜吧旁邊就係醬料區，真係多選擇到唔知點樣落手先好。
細心留意之下，發現就連台灣人推介既王子麵都有，真系唔可以唔比個讚，所以我地都拿左個留到最後煮黎食，麵底吸收曬湯底既精華非常美味。
最後，要食既當然就係為一餐劃上完美既句號既豆腐雪糕，豆味很濃，口感滑溜。
服務方面都係無得彈，上菜速度極快，沒有漏單。店員殷勤有禮，經常主動地為我地添加高湯。而且店內抽風系統做得非常出色，食完個身都唔會有揮之不去既火鍋味。
總體而言，呢個價錢有呢個食物服務質素真係唔話得，性價比十分高，值得再來。
张贴
