影片
更多
2012-12-06
37 浏览
2010年到日本旅行時知道日本有間叫牛角吃燒肉的很好吃，可惜没機會吃，只在一間不知名的小名吃了日式燒肉，JPY1000已有很新鮮很好吃的牛肉。當牛角進駐香港時便很想試試，名氣大點會更好吃吧，因為買了Openrice團購($35買一張$100現金卷，即便宜了$65)，便約了同樣愛吃牛的朋友一起試試。我們預約了而且當時還没人排隊等位，所以都不用等便可入坐。我們一坐下，待應便問我們是否會員，會員可75折享用2人餐，連埋加一都只是$40x，食物份量看似很多，還包了飲品及甜品，而且即使是非會員，即時交$200會員費便可享用，而入會又可以得到現金券和食優惠券，$200入會費絶到可以「食」得到返唻。但2人餐的食物不太合我們口胃，又唔可以用團購的現金券，所以我們還是散叫了以下食品：鹽醬上級肋肉 (有5片)燒肉汁網燒一口牛 (有8粒)鹽味牛油帶子 (有7粒)野菜盛合石鍋牛肉泡菜飯點菜後待應會介紹枱上面的三款醬料，一種是蒜蓉加鹽，會比較咸，一種是燒肉汁，一種是辣辣哋的。枱上面又有個牌教你點樣燒牛肉食，到食物上枱時待應又會教你點樣燒。我哋跟住唻燒，又真係好味過以前亂咁唻。食物味道方面 ~~鹽醬上級肋肉 --
我們預約了而且當時還没人排隊等位，所以都不用等便可入坐。我們一坐下，待應便問我們是否會員，會員可75折享用2人餐，連埋加一都只是$40x，食物份量看似很多，還包了飲品及甜品，而且即使是非會員，即時交$200會員費便可享用，而入會又可以得到現金券和食優惠券，$200入會費絶到可以「食」得到返唻。但2人餐的食物不太合我們口胃，又唔可以用團購的現金券，所以我們還是散叫了以下食品：
鹽醬上級肋肉 (有5片)
燒肉汁網燒一口牛 (有8粒)
鹽味牛油帶子 (有7粒)
野菜盛合
石鍋牛肉泡菜飯
點菜後待應會介紹枱上面的三款醬料，一種是蒜蓉加鹽，會比較咸，一種是燒肉汁，一種是辣辣哋的。枱上面又有個牌教你點樣燒牛肉食，到食物上枱時待應又會教你點樣燒。我哋跟住唻燒，又真係好味過以前亂咁唻。
食物味道方面 ~~
鹽醬上級肋肉 -- OK好味，我哋跟住個牌咁教，兩面各燒12秒覺得生得滯，再燒多幾秒至7成熟就好味啲。因為呢個係鹽醬味，所以點蒜蓉加鹽會超咸。加少少檸檬汁唔駛加醬已好好味。不過啲牛肋肉中間有條筋，要扣分。
燒肉汁網燒一口牛 - 因為一口牛會厚小小，如果燒到生生地又咬唔開 (啲牛肉未至於靚到入口即溶咁正)，所以我哋燒耐啲，但燒到入面熟就到外面太熟，可能係我唔識燒掛。雖然一口牛會多啲油，食完個口會有陣油香，但我下次都唔再叫一口牛啦，唔識燒。
野菜盛合 - 之前食親燒肉都燒到啲菜好乾又易燒燶哂，今次本來唔想燒菜，叫沙律，但啲沙律又唔太吸引，所以都係叫咗個菜唻燒。好彩有叫到咋，上枱時個待應話啲菜要放係側邊燒，中間放肉。加上我見放菜既大碗入面有啲燒汁，我係咁將啲菜「浸」過啲燒汁先燒，啲菜真係無咁乾。第一次成功燒到菜呀！我以後識燒菜啦！
石鍋牛肉泡菜飯 - 普普通通無咩特別，份量夠兩個女仔分唻食。
鹽味牛油帶子 - 平時好怕食牛油帶子，因為通常都會整到啲帶子好油，但唔想全部都係肉，咁就叫個海鮮食吓啦。 自已燒熱個鐵板後加牛油，跟住放帶子，我哋好有耐性咁等啲帶子燒熟咗一邊先反轉，燒到兩邊都金黃色就食得，但我哋再將啲帶子放直，燒啲帶子肉多一陣。食落去啲帶子唔會太油 (因為佢片牛油其實得好小)，但又唔會無牛油香，而且啲帶子好新鮮好鮮甜，啲肉又無燒到熟得滯而變到硬晒，係我食過最好味既牛油帶子呀！
雖然呢餐係香港唻講都算好味，亦唔算貴，但其實我上次係日本不知名小店食到既燒肉好味啲，價錢又平啲。所以我未至於唔會再唻，但又唔會因為想唻食而特登唻食咁囉。留返啲Quato係日本食。
题外话/补充资料：
全單連加一係$270，減咗$100現金券即係$170，加返買現金券既$35，今餐實付$205。
(以上食记乃用户个人意见 , 并不代表OpenRice之观点。)
张贴