萬興茶餐廳

其實都知呢間野咩料，之前試過幾次都係食咗少少就冇食，一係就食到肚痛，係我唔啱，點知真係又有不快經歷。

今日11點打去叫個雞翼紅腸米線外賣，佢話個米線要1130先有，而家係早餐冇，要午餐時間先有，咁我心諗，你係職員，信你啦。

咁我咪1145去買囉，見到個早餐餐牌明明有我叫嘅米線，問佢點解話無，個收銀話而家無早餐架喇，真係無話可說，仲個收銀係一個講嘢歪晒音濃妝低胸阿姐🤢

最後都係算啦，希望大家唔好中伏，三思呀