影片
更多
2018-11-22
1908 浏览
同男友係地獄廚神的超級粉絲，去唔到拉斯維加斯食真人版，就諗住男友生日就去佢新開的餐廳食，感受下地獄廚神出品既美味。由於估計剛開業會有好多fans好似我地咁慕名去食，所以早成個半月book位，務求令男友過勁滿足的生日。Book左7點半，我地早左少少到。點知佢話打比我so many time，所以冇留枱比我，最遲要我地8點半走。What!??? 我個半月前打來book，冇諗過原本miss左2次3字頭打出既電話就會唔留位比我，so funny! 但既然已經來到，又係男友生日，咁都照去朝聖啦！入到去坐唔夠5分鐘，當我地研究緊個menu之際，外國人侍應哥哥問我地想食咩，我地就話諗緊，比d時間我地睇睇。再隔唔夠1分鐘，再拎住疊紙連筆以寫單既狀況再問我地食咩，仲急過澳牛d侍應。見佢咁急落單，咁我地就叫住份28日熟成牛扒，side dish同沙律先。跟住我地見佢出面海邊位勁靚，就問可唔可以轉枱去出面食。經理話冇牌，所以出面唔serve得人。我問佢咁埋單後，可拎住杯酒出去坐嗎？經理就話可以。但其間有3-4枱外國人係出面飲野同食野…原本想叫威靈頓牛扒，但見人地上枱時很大碟，所以改了28日熟成的rib~ey
由於估計剛開業會有好多fans好似我地咁慕名去食，所以早成個半月book位，務求令男友過勁滿足的生日。
Book左7點半，我地早左少少到。點知佢話打比我so many time，所以冇留枱比我，最遲要我地8點半走。What!??? 我個半月前打來book，冇諗過原本miss左2次3字頭打出既電話就會唔留位比我，so funny! 但既然已經來到，又係男友生日，咁都照去朝聖啦！
入到去坐唔夠5分鐘，當我地研究緊個menu之際，外國人侍應哥哥問我地想食咩，我地就話諗緊，比d時間我地睇睇。再隔唔夠1分鐘，再拎住疊紙連筆以寫單既狀況再問我地食咩，仲急過澳牛d侍應。見佢咁急落單，咁我地就叫住份28日熟成牛扒，side dish同沙律先。
跟住我地見佢出面海邊位勁靚，就問可唔可以轉枱去出面食。經理話冇牌，所以出面唔serve得人。我問佢咁埋單後，可拎住杯酒出去坐嗎？經理就話可以。但其間有3-4枱外國人係出面飲野同食野…
原本想叫威靈頓牛扒，但見人地上枱時很大碟，所以改了28日熟成的rib~eye，估應有10~12安士左右。幾好食的，都重牛肉味，但同外國食真正的熟成肉質仍差很遠，中間位唔嫩，有點嚡口。
但油鴨脾西瓜沙律個配搭雖怪，但食落卻出奇地夾。
跟住我地賣單時同經理講想之後出去坐，經理就話頭先有少少雨，佢地抹完後就會為我地安排。埋單後等左10分鐘，經理完全冇再理過我地。男友話係咪我地自己就咁拎住杯酒行出去就得? 我話呢度高級扒房，應該佢地會準備好就帶我地出去合適既位置，再等多陣先。
又過多陣，我地又問個外國侍應係咪可以出去住，佢就話我地要坐，外面d位就係抹，我地係咪真係坐。講真，出面本身都有其他外國人坐緊啦，帶我地出去坐有幾難呢？我地答個外國侍應話我地真係想出去坐，佢就走開，冇再理我地。
Feeling sososo bad! 呢間咁既扒房既態度仲差過茶餐廳! Book左枱，打唔到比個客就唔留枱! 想出去坐就唔理人，只比外國人坐!
如果外面淨係比外國人坐，唔該寫明華人不得進入!
討厭! 如果呢篇出唔到街就算，但真心希望餐廳改善態度!
张贴
