李家 (已結業)

早兩日收夜，之後放假就梗係搵朋友岀黎飲下野食埋宵夜喇，係旺角行左好耐都未搵到開得夜又坐得耐嘅食店，正諗住放棄時，經過街市抬頭一睇，見到廣告牌開到零晨五點！重點有酒飲，又有炸雞食！上到去好多位，坐左靠牆卡位，燈光微暗，播住K Pop歌，有韓風感覺！一開始店員俾在醃蘿蔔同菜絲沙律做開胃菜，味道都幾好。既然黎到梗係要食炸雞！唔想原味冇汁，最後揀左甜辣醬味道！甜度同辣度都夠，外皮脆，肉唔太乾，就算雞胸都唔乾，幾好。酒類飲料有好多款，不過又唔想飲燒酒，就揀左水果味啤酒: 西柚同提子！個人接受到，都唔差，特別d。想搵地方坐耐d又有齊歌聽野食酒飲，可以一試！