新蕃薯苗小館 (已結業)

特登落北角本來係想食壹碗麵，原來收9點，食唔到唯有行返出去睇下有咩食。撞下撞下去左蕃薯苗。聽個名以為係食有機菜，原來係上海野。環境好舒服同光猛，有夠乾淨。黎到蕃薯苗餐廳當然要試下蕃薯苗啦! 所以oreder左個蕃薯苗水餃。水餃唔係好大隻，有蕃薯苗同豬肉。食落冇咩特別，同灣仔碼頭D菜苗水餃差唔到幾多。涼伴苦瓜好好味! 特別在佢唔係用麻魔油涼伴，用蒜蓉；一D都唔油好好味!!擔擔麵間間出品都唔同，蕃薯苗係找—較特別既一間，但我都好鐘意!!擔擔麵果麵係扁麵，彈牙好多。擔擔麵醬就有好多花生，但唔浪溜，因為唔係好濃味，食晒D擔擔麵醬都得。湯底係醬油湯底，有少少甜味中和一下很不錯。服務很好，但要叫人先幫你加茶，不過每次叫都有人應既。