廉記冰室 (春園街) (已結業)

見呢間餐廳咁多食評，今日即管黎試吓！佢個菠蘿包好出名，見餐廳都有好多人叫，不過今日天氣涼涼地，都係想食個飯。試咗個白汁海王焗飯，啲飯一嚟到個樣好吸引，應該係即焗嘅，新鮮熱辣。不過一食我就覺得呢個飯唔係我杯茶，首先佢啲海鮮係腥腥地嘅，同埋最大問題係佢個白汁超級重奶味，好似用花奶整出嚟咁樣，冇白汁嗰種鹹鹹香香，配合埋佢啲份量都幾多下嘅芝士，成個飯係好劑嘅，我估如果你係牛奶腔花奶迷，又或者你係超級鍾意芝士嘅，呢個飯應該幾啱你！不過講真相對於呢間餐廳嘅其他嘢食，我覺得呢個飯有啲貴連埋嘢飲要成＄70。相反，如果你可以等到晚飯時間食佢哋嘅晚餐＄70左右就已經有湯有飯有嘢飲有甜品好似抵好多！我見對面嘅食客個菠蘿包加番茄鹹牛肉炒蛋好似好好食，雖然好邪惡，我都想試吓！