8號冰室

营业中

休息中

為左去睇一年一度的藝術展覽，乖乖地由上午11:30開始排隊等買入場券，誰不知一等竟然等左兩個小時...終於買到入場券，但已經肚餓到不得了。買完入場券，第一時間即刻去醫肚，食飽飽至返轉頭再行展覽。平時唔係經常在灣仔區出沒，所以都唔知食咩好。見開飯網入面有間新的茶餐廳叫「8號冰室」，都算係在會展附近，一於去試下。話晒係新開的餐廳，環境唔錯，裝修很新淨，座位幾舒服。對我而言，佢的午餐選擇不算多。因為餐牌內有些飯餐，講明只是外賣的，無得堂食。最後就揀左「黑椒蜜糖雞中翼飯」。這個飯很簡單，雞中翼就係主角。但估唔到的係，佢有6隻雞翼咁多味道都唔錯㗎，甜甜地又有黑椒味，而且係即炸熱辣辣，比我預期中好食。食物質素幾好，但希望佢地飯餐方面可以增加選擇，咁就更加好了。