御滿屋日本料理

营业中

休息中

為了慶祝朋友生日，我們今次去了旺角的御滿屋食放題！一上到樓已經見到好多人排緊隊，好彩之前朋友book咗位！呢度地方都算大，有任食嘅小食同飲品區，亦都有個雪櫃全部都係雪米糍同埋雪條☺我哋坐嘅座位唔算好迫，環境都算唔錯，點食物嘅簿分為兩本，一本主要係壽司、手卷等等，另一本就係一啲熟食同小食。都有唔少嘢食架！首先有刺身，帶子刺身好鮮甜，亦都好厚！大赤蝦刺身亦帶有甜美之餘，咬入口好爽口，仲要啖啖肉！好味！北寄貝就都好爽口！之後有壽司，壽司都有好多款揀，我鐘意食嘅有火炙香葱三文魚腩、蒜香牛油燒赤蝦、忌廉芝士鰻魚卷！火炙香葱三文魚腩好香，火炙之後佢嘅魚油出晒黎！蒜香牛油燒赤蝦嘅蒜味唔會好大，唔會蓋過蝦嘅味道，蝦亦都好爽口！忌廉芝士鰻魚卷入面嘅忌廉芝士好林，為原本普通嘅卷物增加左口感！和風汁牛柳粒嘅牛柳煮得好淋好入味，鹽燒青花魚啖啖肉，外皮燒到好脆！黃金芝士帆立貝係焗帆立貝，配料加埋芝士一齊焗好香👍🏻👍🏻芝麻雞翼炸得好脆，芝麻好香，外脆內嫩！係今晚我最鐘意食嘅食物之一！牛肉烏冬細細碗，但係裏面嘅烏冬都好彈牙，食放題想食一碗烏冬的話，其實呢個份量正好 ！食完鹹點仲有甜品，我哋叫咗楊枝甘露、朱古力窩夫、