九記打冷.小菜.粉麵 (已結業)

經常係尖沙咀漆咸道搭巴士返屋企, 經過九記時總會見到好多客人幫襯, 就算依家香港巿道噤差, 入到九記都客滿, 好彩剛剛有食客埋單, 唔洗等位.一入餐廳第一個感覺係待應服務態度好好, 待應妹妹好熱情.打開個餐牌即刻知道點解噤旺場, 因為好多小菜都係其他餐廳無提供!第一係鵝紅.第二係薄殼.所以估計老闆係潮州人.另外再點咗酥炸豬大腸同鵝腸.一碟酥炸大腸內有兩種炸大腸, 有膏同無膏都有, 我比較中意食有膏, 皮脆內軟有少少油香, 滿意.自己唔多中意點辣油, 因為自己唔好辣, 食鵝腸係唯一例外! 而九記嘅辣油又辣得洽到好處, 配合埋一齊, 完美!鵝紅同薄殼都係第一次食, 鵝紅入口同豬紅無太大分別, 最大分別係鵝紅更加入味, 我中意味濃, 所以哩碟鵝紅更啱我胃口.相信接近季尾, 所以薄殼比較細, 但肉質鮮嫩, 極有潮州風味!其實九記重有好多人無佢有嘅潮州菜, 不過肚腩空間有限, 下次再黎過!食完之后係餐廳門口煲煙等巴士, 見到貼係餐廳門外嘅相, 先知道原來頭先招呼我地果位熱情小妹妹係老闆黎架! 所以話人不可以貌相! 切記!