共度一燒

营业中

休息中

同朋友行完「元荃古道」⛰，佢帶我嚟呢間「共度一燒」， 6點半已經好多人，好彩仲有位，唔使等。座位都幾舒適，見到好多小情侶喺度拍拖食飯。先點兩瓶冰凍🧊嘅津路烏龍茶🌱，解解喝先😆，呢間又有薯粉，又有串燒，幾正喎。🍲每碗酸辣粉裏面已經有榨菜、肉碎、花生、蔥花、芫荽，然後再加點自己喜歡嘅餸菜，我碗就加咗韭菜、魚腩🐟、水魷魚🦑。最開心就係可以自選辣度🌶️，我碗大麻大辣，食得好過癮😆，十分惹味。🍜朋友碗酸辣粉薯粉，加了娃娃菜、魚皮餃、豬腩肉，BB辣及少酸，係佢鍾意嘅味道，佢話薯粉滑脫脫，好好味😋。然後就點咗啲串燒，一邊食一邊吹水😙。肉類：金菇肥牛卷、雞中翼、白鱔、上湯煮花甲翠玉瓜🥒、原條茄子🍆、燒菠蘿串燒全部都係即點即燒，熱辣辣好好味，特別係雞翼燒得外脆內嫩；白鱔好厚身，肉質彈牙，啖啖肉。朋友就好鍾意燒茄子🍆，好香蒜味。