鼎王麻辣鍋 (金巴利道) (已結業)

2月頭疫情未算好嚴重，但我同朋友都唔敢掉以輕心，平時都會約晚上食飯，但今次都決定約係閒曰既中午食，果然冇估錯，人真係冇咁多👍👍，係餐廳門口，都有量體溫，確保入嚟冇發燒。我地叫咗個鴛鴦鍋，清湯嗰邊有酸菜，可以不停加，而辣嗰邊有豬紅都可以任加，辣嗰邊就好濃味，我好鐘意食。嚟到火鍋餐廳，肯定會叫去骨鮮牛，牛味比想像中香，而都好舊簿。午餐肉係我每次食火鍋必叫既食物，而呢間午餐肉好厚切，果然一流。珊瑚蚌好爽脆，好新鮮。日本a4和牛就好簿，一放入鍋20秒左右就食得了。油炸鬼好鬼死脆。牛丸好彈牙，牛味好重。