OM Tapas (已結業)

經過尖沙咀見到一間叫OM tapas，店內細細地，但氣氛唔錯，食西餐，而且小食都好多花款。第一個小食係炸豬肉薯球，圓碌碌，大大舊，上碟時仲冒緊香氣同熱氣，肉汁包於裡面，好熱，有「流心」效果。真正嘅「流心」黎啦！流心蛋馬玲薯，用叉一戳，蛋黃流落薯仔，撈埋一齊食，舌尖滋味悠久唔散，好正。龍蝦湯，蝦置於中間，湯好清，但味道濃郁。另一道菜式係伊比利亞豬肩肉，配上茄子，建議搭配一齊食，味道好夾，而且豬肉非常鮮嫩。最後點左個飲品，pink lychee，有荔枝、紅莓、玫瑰酒，賣相已經滿分，飲落甜絲絲。今次OM tapas體驗唔錯，下次會同朋友一齊回頭試其他野食！😋