八番屋 (已結業)

自己本身一直都幾鍾意食日本嘢，近住火車站，平時收工都會嚟食呢間舖頭。每一次嚟食，都會食綠茶厥餅，加咗少少黑糖漿，仲有好濃郁嘅綠茶粉，煙煙韌韌，係幾好食。之後我朋友就會食一個鰻魚飯，鰻魚質地都算滑，飯用珍珠米，幾有咬口。最近餐廳亦都多咗一款四川湯底嘅拉麵，我就幾鍾意呢一個創意，湯底少少辣，亦都有麻辣香味，但就唔會令人食得好辛苦，拉麵嘅質感幾好，可以再戰。最後呢度嘅餃子亦都係我嘅至愛，點埋柚子醋食，就更加唔油膩。