威記飯店 (已結業)

以往去開廟街食煲仔飯都係去興記，不過對於其水準日趨下滑，已感失望，於是乎試試其他舖頭水準如何~同女友行咗廟街一round，最後揀咗哩間叫威記飯店，點了窩蛋牛肉飯、炸蠔餅及豉椒炒蜆~窩蛋牛肉飯: 牛肉幾滑，整體味道算係一般，不過已經係三味之中最好ga la!~飯焦可以話係一煲飯嘅精華，不過今次失咗手，焗得耐咗，燶咗啲!~ 炸蠔餅(細): 粉漿太多太厚，蠔仔份量少，失敗! 豉椒炒蜆: 店舖阿姐話炒蜆有分即叫即炒及現成煮好兩種，即炒貴幾十蚊~咁我哋咁係叫即炒啦!點知質量都係衰到貼地!碟蜆唔係好夠熱，蜆肉又細又霉，唔新鮮!俾阿姐昆咗! 只此一次，唔會再幫襯!下次有機會又做下白老鼠，試吓第二間!