樂天皇朝 (利舞臺廣場) (已搬遷) 新店位置

選擇呢一間上海菜，主要係貪佢地環境非常之靚，而且個八種顏色嘅小籠包非常之有特色。所以今次就同朋友過嚟，一心想試吓。呢度中間個水池真係非常之優美，我哋睇過open rice，所以都跟住之前啲食評點佢地既招牌菜。前菜两碟，青瓜同川味牛𦟌。無難度既家常菜，水準正常。首先講吓呢個小籠包 98元，靚就非常之靚，但係食落去其實非常之難食。例如黃色嘅芝士味同個豬肉，九唔搭八。啡色嘅鵝肝小籠包，鵝肝味係有啦，但係整到口感濕濕爛爛甘，撈埋啲豬肉，感覺上吃到既口感係又晦又爛嘅肉質。綠色嘅人蔘味就唔使提啦，因為都預咗食唔出有人參，不如叫菠菜味仲貼切。食左三個，已經冇興趣再試其他7788嘅味道，所以食咗個原味。。。 佢嘅原味都唔係特別好食，所以如果你係一心想想黎食小籠包嘅，基本上就唔洗試啦。另外叫咗個五香牛肉麵78元，因為見食評佢哋推介嘅豬骨湯底係招牌，所以叫咗個唔辣嘅，想一試佢地既湯底。結果佢地上錯左個辣既畀我。由於已經過咗last Order, 所以我亦都冇轉, 牛肉幾好食，麵太諗，過左火，唔挺身，啱老人家無牙黎食，但我中意硬身既麵。個湯係麻辣，所以只飲左幾啖，無豬骨湯味，得個辣字，所以基本上浪費左湯底。