錦丼 (iSQUARE國際廣場) (已結業)

突然心血來潮好想好想食一碗美味嘅魚生飯！第一時間就諗起「錦丼」！點解？因為兩三年前到Isquare睇戲，無意中發現左呢間門面相當有日本風味嘅「錦丼」，當日仲試左佢個海膽三文魚子丼及雜錦丼，真係好好味，所以突然間嘅心血來潮魚生飯點可以忘記佢呀～屬於我嘅假期閒日五點左右，錦丼只有兩位客人，呢個時間除左食肆人少，商場都好似冇乜人，最好就係慢慢坐，慢慢享受期待已久嘅美味魚生飯喇店內裝修和之前都沒有太大變化，東瀛感覺依舊！其他都唔多講住，介紹下主角雜錦丼先～賣相比之前的明顯失色了，之前有嘩然嘅感覺，今次反而有少少失望。好明顯份量上少左，刺身味道普通，質素與出面食平價放題嘅味道無異，中間隻蝦肉質唔夠爽彈，鮮甜味不足，而且size偏細！三文魚子反而出色，味道上唔會食到腥味，食得出鮮味，撈埋飯食就真係好唔錯！海膽⋯唔夠新鮮，都唔會話難食，只係一般，份量少左一啲，但以呢個質素，俾多啲就未必受得落喇。跟丼附上一小碗麵豉湯，麵豉味濃，但略嫌咸了一點。巨蜂提子梳打⋯提子味略淡⋯一般一般⋯一般⋯只能用一般嚟形容可能之前感覺太好，今次絕對係失望嘅如果問以後又突然間心血來潮想食魚生飯點算好？相信唔再會首選「錦丼」了