影片
更多
2014-07-16
4089 浏览
好耐無去食美味吉列豬扒飯喇！於是同媽媽一齊去食記得第一次係去海運對面某大廈地庫食，環境同食物都係一流之後食過幾次都keep到水準但由於已經搬咗，所以媽媽提議去The ONE分店食我地心諗無死啦，點知真係出事！去到都唔洗等位就入得，午市嚟講靜咗啲坐低睇下menu，價錢愈嚟愈貴，真係滴晒汗再睇下原來有午市套餐，於是揀咗吉列豬扒飯同吉列豬柳串配湯烏冬share食落完單侍應就拎咗兜芝麻過嚟俾我玩嚕～但唔知有無記錯，我記得以前係一人一兜芝麻㗎，唔係咩？一路磨（玩？），一路有勁香烤過嘅芝麻味飄出嚟，再加埋酸酸甜甜嘅豬扒汁，真係正！之後好快就上菜喇我食豬扒飯，媽媽食烏冬但我食第一啖飯時，竟然係凍嘅，唔係呀嘛？不過媽媽嘅烏冬就熱。但口味真係好個人，我覺得烏冬太冧，雖則未算入口即糊，但唔彈牙；反而媽媽覺得唔錯到食第一件豬扒，我一夾，豬扒啲麵包糠就係咁甩晒出嚟，跌到我成碗醬都係雖然層吉列皮無甩皮甩骨，但中間嘅豬扒炸到乾爭爭，無汁又有啲硬>.<而豬柳串就有汁同埋較冧，但啲糠都係甩，仲好油真係有啲失望佢真係靠個醬攞番啲分咋唯一保持水準嘅竟然係任添加椰菜椰菜依然爽脆清甜，我同媽媽添咗兩次最後食完
記得第一次係去海運對面某大廈地庫食，環境同食物都係一流
之後食過幾次都keep到水準
但由於已經搬咗，所以媽媽提議去The ONE分店食
我地心諗無死啦，點知真係出事！
去到都唔洗等位就入得，午市嚟講靜咗啲
坐低睇下menu，價錢愈嚟愈貴，真係滴晒汗
再睇下原來有午市套餐，於是揀咗吉列豬扒飯同吉列豬柳串配湯烏冬share食
落完單侍應就拎咗兜芝麻過嚟俾我玩嚕～
但唔知有無記錯，我記得以前係一人一兜芝麻㗎，唔係咩？
一路磨（玩？），一路有勁香烤過嘅芝麻味飄出嚟，再加埋酸酸甜甜嘅豬扒汁，真係正！
之後好快就上菜喇我食豬扒飯，媽媽食烏冬
但我食第一啖飯時，竟然係凍嘅，唔係呀嘛？
不過媽媽嘅烏冬就熱。
但口味真係好個人，我覺得烏冬太冧，雖則未算入口即糊，但唔彈牙；反而媽媽覺得唔錯
到食第一件豬扒，我一夾，豬扒啲麵包糠就係咁甩晒出嚟，跌到我成碗醬都係雖然層吉列皮無甩皮甩骨，但中間嘅豬扒炸到乾爭爭，無汁又有啲硬>.<
而豬柳串就有汁同埋較冧，但啲糠都係甩，仲好油
真係有啲失望
佢真係靠個醬攞番啲分咋
唯一保持水準嘅竟然係任添加椰菜
椰菜依然爽脆清甜，我同媽媽添咗兩次
最後食完之後就上西瓜，好凍但無乜味總結：又貴又唔係話好食，無下次
张贴
