更多
2010-08-18
55 浏览
15-8-2010想去位於恒和鑽石大廈的兩間店無開, 唯有嚟到渣甸中心諗住試試 10 樓的壽司店, 點知又無開, 連摸三次門釘 「唯有」又食呢間吧, 還掂上次嚟到, 經歷「天堂」一樣 (http://www.openrice.com/restaurant/commentdetail.htm?commentid=2059344) 朋友如常 tick 10 件自選壽司定食 ($150), 我就想試試從未食過的松花堂便當 (好似 $160), 貪佢五顏六色又乜都有 d :-先嚟茶碗蒸, 清湯底如常清甜滑溜, 配料如常有雞肉, 冬菇, 蒲鉾, 銀杏及不知名香菜 (係咪叫「三つ葉」?), 夠晒豐富, 正 便當分成煮物, 刺身, 炸物, 銀鱈魚西京燒 (+ 玉子), 沙律及白飯 6 格, 賣相夠晒精緻 怕炸蝦凍了會唔脆, 所以一嚟就食呢個 蝦肉用紫菜捲住炸, 做得熱辣脆口又唔油, 食落爽實, 仲有勁多「籽」, 夠晒香口. 刺身係赤身, 油甘魚及甜蝦, 最欣賞魚油香豐盛的油甘魚 甜蝦質地爽身, 食落亦清甜, 幾喜歡; 赤身就相對較普通, 不過都好食的, 哈哈. 沙律菜以車厘茄, 生
想去位於恒和鑽石大廈的兩間店無開, 唯有嚟到渣甸中心諗住試試 10 樓的壽司店, 點知又無開, 連摸三次門釘 「唯有」又食呢間吧, 還掂上次嚟到, 經歷「天堂」一樣 (http://www.openrice.com/restaurant/commentdetail.htm?commentid=2059344)
朋友如常 tick 10 件自選壽司定食 ($150), 我就想試試從未食過的松花堂便當 (好似 $160), 貪佢五顏六色又乜都有 d :-
先嚟茶碗蒸, 清湯底如常清甜滑溜, 配料如常有雞肉, 冬菇, 蒲鉾, 銀杏及不知名香菜 (係咪叫「三つ葉」?), 夠晒豐富, 正
便當分成煮物, 刺身, 炸物, 銀鱈魚西京燒 (+ 玉子), 沙律及白飯 6 格, 賣相夠晒精緻
怕炸蝦凍了會唔脆, 所以一嚟就食呢個 蝦肉用紫菜捲住炸, 做得熱辣脆口又唔油, 食落爽實, 仲有勁多「籽」, 夠晒香口.
刺身係赤身, 油甘魚及甜蝦, 最欣賞魚油香豐盛的油甘魚 甜蝦質地爽身, 食落亦清甜, 幾喜歡; 赤身就相對較普通, 不過都好食的, 哈哈.
沙律菜以車厘茄, 生菜, 粟米為主, 夠新鮮, 淋上份量剛好的日式 "vinaigrette", 酸香兼備, 其實都無可能唔好食吧.
銀鱈魚西京燒 (塗了味噌去燒?) 食落帶點甜, 質地滑溜, 不過魚油香實在超勁 , 幾飽滯的.
玉子印了店名, 賣相靚絕, 食落亦幾香甜, 不過質地有點實, 而且有點太凍, 可以更好的.
6 格中我就最喜歡豚肉大根煮, 醬汁 (醬油 + 味醂 + 唔知乜嘢煮成?) 大鹹大甜, 豚肉鬆化入味, 大根就又腍又甜又無渣, 正! 仲有手指豆及靈芝菇 (?), 清清爽爽, 食完濃味的豚肉「漱漱口」不錯.
最後飲碗熱辣清香的味噌湯, 及香滑的咖啡作結, 滿足.
食物及配套仍舊令人十分滿意, 每人埋單 $200 有找, 會再來的. 唔知幾時有機會食晚飯?
张贴