小時光 (已結業)

小時光算係觀塘一間好出名嘅台灣菜，雖然餐廳匿藏喺大廈入面，位置並唔算易搵但係幾次去都需要等位15左右，可見人氣真係好旺。餐廳嘅裝修風格應該係其中一個最大嘅賣點，行懷舊風格，有好多懷舊漫畫書同poster作裝飾，非常適合打卡，好有台灣風格。食物質素方面則冇咩驚喜，台式三杯雞嘅雞肉算係入味但係比較硬唔夠滑嫩，配菜質素都麻麻，依然都係唔夠惹味，可能係我平時食嘢比較重口。份量方面係OK嘅，一個食量偏大嘅女仔可以食得好飽，白飯嘅份量真係好多。